San Martin auzoko 6, 7 eta 8 zenbakietako etxeak lau kupotan banatutako eskatzaileen artean zozketatuko dituzte: mugikortasun arazoak dituztenendako bi etxe eta eskatzaile bakarra; familia ugariendako bi etxe eta bi eskatzaile; bi logelako etxea gura dutenen 29 eskatzaileen artean sei etxe; eta kupo orokorrean 29. Bi logelako etxeen zozketan etxe barik geratzen direnak, kupo orokorrean sartuko dituzte.
Baldintzak
San Martinen egiten diharduten 39 etxeen zozketan parte hartu ahal izango dute 2011ko abenduaren 1a baino lehen Etxebiden izena emanda eta Oñatin bi urte lehenagotik erroldatuta daudenak. Dena den, mugikortasun arazoak dituzten pertsonek ez dute erroldaren baldintza derrigorrez bete behar, baina oñatiarrek izango dute lehentasuna. 2010eko diru-sarrerak hartuko dituzte aintzat.