Eguraldi txarrari aurre eginez, gure inguruak ezagutzera turista dezente hurbildu dira momentuz. Portugalete eta Iruñeako bisitariak eguna pasatzera etorri dira gure inguruetara. Beste batzuk, aldiz, egonaldi luzeagoak egingo dituztela kontatu digute.
Madrildik etorri direnek esan digute bost egunetarako etorri direla; Beasainen egiten dute lo eta inguruak bisitatzeko aprobetxatuko dute egonaldia. Gaur Arantzazu, Oñati eta bailarako beste hainbat toki bisitatu dituzte eta ondorengo egunetan Donostia, Bilbo, Gasteiz edota Zarautzera joango direla azaldu digute.