"Duela lau urte batu ginenean urtebetez jokatzen jarraitzeko asmoa zuen taldearen %80k, eta ikusi noraino iritsi garen", adierazi du azken denboraldia gogorra egin zaiola onartzen duen Xabi Igartuak. Hori du geroago eta gorago jokatzeak, exijentzia maila handitu egiten dela, urtea gogorrago bilakatzen dela, buruhauste gehiago...
Diogun moduan, saskibaloi aro hau jaitsiera batekin amaituko dute: "EBAn lehiatzeko gauza garela erakutsi dugu, baina ez partiduak irabazteko. Balorazioak egiteko ordua iritsiko da, lau urteen balorazioa oso ona izan da, azken urte honek penaz utzi gaitu, baina kantxa barruan nahi genuena lortu ez dugun arren herrian saskibaloi giro polita sortu dugula uste dut, zaleek zelan erantzun duten, gazteak saskibaloira gerturatu direla ikusi...
Zornotzaren kontra
Zornotza izango da EBA mailan Zubikoa bisitatuko duen azken taldea: "Talde horrek dagoeneko eutsi dio kategoriari, eta egia da han erraz irabazi zigutela, baina lehiatzera irtengo gara".