Gaueko 23:30ak aldera igo ziren Zea Maysekoak oholtza gainera eta ordurako, adin eta era guztietako jendea talde bilbotarraren zain zegoen. Aiorak, taldeko abeslariak, 'gabon Zea Mays' esanda hasi zen kontzertua. Emanaldiaren hasieran, talde bilbotarrak Morphina eta Era diskoen abesti batzuk jo zituzten, hori bai, azken diskoak dituen hiru abesti arrakastatsuenak bukaerarako utzi zituzten.
Azken diskoari errepasoa egin ostean, 1998. urtean, beraien lehenengo lanean kaleratutako Itsasoa kantua jo zuten. Abesti horrekin, publikoa, eta batez ere taldea hasieratik jarraitu duten zaleak, berotzen hasi zen.
Lehenengo lerroetan zeuden ikusleei aurpegian irribarreak ikusten zitzaizkien eta taldeak hori ikusi ostean, gero eta gusturago jotzen ari zirela nabaritu zitzaien. Abesti horren ostean, Errekalde auzoko taldeak, beraien disko zaharretako abestiak jotzen jarraitu zuten. Publikoa beroen zegoen momentuan, emanaldia bukatutzat jo eta zalea gehiagoren zain geratu ziren. Taldeak atsedenaldi txiki bat egin zuen. Ikusleek bazekiten taldearen abesti ezagunenak falta zirela, eta aretoa hustu beharrean, 'Beste bat!' oihukatzen hasi eta taldea berriz irtengo zain geratu ziren.
Atsedenaldi horren ostean, Zea Mayseko kideak indarberrituta irten ziren gaztelekuko oholtza gainera. Bukaerako set horretan lau abesti jo zituzten. Momentu horretaraino gorde zuten taldea hain ezagun egin duen Negua joan da ta abestia. Ikusleak abesti horren zain zeuden eta lehenengo doinuekin batera, ikusleak, mugitzen eta abesten hasi ziren -baten batzuk saltoka ere hasi hasi ziren-.Taldeak publikoaren berotasuna ikusita, Era diskoaren beste bi abesti jo zituzten: Ihes eta Kukutsa III. Kontzertua bukatzerakoan, ikusleak pozik irten ziren gaztelekutik, bilbotarrek beraien jarraitzaileak pozik utzi baitzituzten.