Batzar horrekin bukatuko dute kanpaina, baina oraindik egubakoitzetan, udal gobernuko kideekin batzeko aukera dute herritarrek. 15:00etatik 19:00etara arte zalantzak argitzeko daude. Aldez aurretik hartu behar da ordua: 943 78 04 11 telefonoan edo partehartzea@oinati.net helbidean.
Informazio puntuak
Martitzenean kultura etxean egindako batzarrean aurreratu zuten, informazio puntuak ekainean ipiniko dituztela, bat Olakua-San Lorentzo inguruan, eta besteak herri gunean. Gainera esan zuten, urrian abiaraziko dituztela parte-hartze prozesuak. Horietan, zabor bilketa egutegia, ordutegia eta zintzilikarioak non ipini adostuko dituzte, besteak beste.