Javier Gil madrildarraren argazki erakusketa zabalduko dute Oñatin

Ilunpetan argazki taldeak antolatu du argazki erakusketa. Astelehenean zabalduko dute eta apirilaren 2ra arte egongo dira ikusgai kultura etxeko aretoan, 18:00etatik 20:00etara. Invisibles da erakusketaren gaia. Javier Gil madrildarrak egindako argazkiak dira. Argazkilaria bera erakusketaren inaugurazio egunean egongo da Oñatin proiektua aurkezten. Thailandiak bizi duen hazkunde geldiezinak sortutako arazoak jasotzen ditu formatu handiko 13 argazkitan Gilek. Aire zabalean aurpegia estalita lan egiten duten langileak ageri dira irudietan; hain zuzen, kutsadura maila handiagatik eta Asian estetikarekiko duten zaletasunagatik estaltzen dute aurpegia maskarekin langile horiek.