"Gustura geratu gara egin dugunarekin. Antzezlana amaitu denean zoriondu egin gaituzte eta gustura ikusi dutela esan digute lagunek", azaldu du amaieran Agirre zuzendariak. Oñatiko lagunak bakarraik ez, kontuan hartuta antzerki taldean 14 lagun daudela, beste hainbat herrietatik ere etorri dira Oñatira: "Donostiatik, Bergaratik, Legazpitik...".
Ekainean aurkeztutako lana
Antzezlana ekainean aurkeztu zuten Contadores kulturgunean. Udako oporren ondoren urrian hasi ziren berriro ere lanean. "Manu Egaña Kultura zinegotziarekin berba egin genuen eta Oñatira etortzeko aukera sortu zen", azaldu du Agirrek. Hala, orain dela bi hilabete hasi ziren berriro ere entseguekin. "Martxoaren 8aren bueltan jarri genuen data, izan ere emakumeen inguruko istorio bat da antzezlana", gaineratu du.