Markagailuan aurretik
Bigarren minuturako markagailuan aurre hartu dute etxeko jokalariek. Falta baten ondoren Iker Agirrek gola egin du. Tolosak 10. minutuan berdindu du lehia, eta partiduko 30. minuturako aurretik jarri dira: 1-2. Atzelarien hutsegite baten ondoren etorri da gola. Hirugarrena ere lehenengo zatian egin du Tolosak. Baloia jaurti eta langa jo ondoren alderatzea barrura sartu dute Tolosako aurrelariak. Lehenengo zatian Tolosakoak gehiago izan dira, hobeto jokatu dute baloia eta ondorioz ez dute arazorik izan markagailuan aurre hartzeko.
Hirunako berdinketa
Aldagelatik bueltan etxeko jokalariak gogotsu irten dira. 2-3koa Unai Bikuñak egin du; eta, partidua amaitzeko bost minutu falta zirela Asier Ugartek hiruna berdindu du lehia. Norgehiagoka puntu banaketarekin amaitu behar zela zirudienean, etxekoek partidua oparitu egin diote aurkariari. Atzean bi huts egin dituzte eta bietan Tolosak gola egin du.