Hasieratik bilatu zuten entzuleen inplikazioa, eta lortu zuten. Gitarra jolea ez zen gelditu ere egin ia kontzertu osoan; kantuetan geldialdiak jendearen erantzuna probokatuz, alde batetik bestera ere aritu zen erotuta, mahai gainera... Rock and rolla musikaz haratago doala bistan utzi zuten atzo Antton tabernan.
Donostiako Transistoren 50 talde beteranoak kontzertua eskaini zuen atzo Oñatiko Antton tabernan. Bikote moduan agertu ziren, gitarra jolea eta kontrabaxua. Ez ohiko planteamendua, beraz. 55 bat lagun gerturatu ziren kontzertura, eta rock and roll musikaz zein taldearen –batez ere gitarra jolearen– jarrera rockeroaz gozatzeko aukera izan zuten. Tarteka pop ukituak eta kantu erromantikoren bat edo beste. Ordubete pasatxo iraun zuen emanaldiak, lau bat bis egin ostean. Euren kantuez gain, lau edo bost bertsio jo zituzten. Ez zen falta, esaterako, Eddie Cochran handiaren kantu bat.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak