Guztiz etsita eta burumakur bukatu dute Pas Pielagos taldearen aurkako partidua txantxikuek. Xabi Igartua entrenatzaileak esan digu partidua hirugarren laurdenerako irabazita zeukatela, izan ere, aurkariak baino hamar edo hamabi puntu aurretik zioazen, eta horrez gain, oso-oso ondo jokatzen ari ziren EBA ligan diharduten oñatiarrak. Hala ere, Igartuak penaz aitortu digu bere "erruagatik" azkenean ezin izan dutela irabazita zeukaten partidua gailendu eta oso triste irten dira kantxatik oñatiarrak.
Datorren asteko partidua Estela taldearen aurka jokatuko dute. Estela liderra da, lehenengo doa sailkapenean, eta partidu "oso gogorra" izango dela azaldu digu entrenatzaileak. "Partidu hori eta hurrengo guztiak derrigorrez irabazi behar ditugu" esan digu Igartuak eta etorkizuna "ikaragarri zaildu" zaiela ere gaineratu digu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.