The Crack taldeak Battle of the Bands saria irabazi zuten 1982an. Handik aurrera baina, gainbehera etorri zen eta bertan behera utzi zuten jarduna. Hala ere, 1989an berriro ere indarberritu eta musika egiteari ekin zioten. Gaur egun kontzertu gutxi eskaintzen dute; bada, horietako bat Oñatin izango da egubakoitzean (bestea Badalonan eskainiko dute zapatuan).
Golpe de Estado oñatiarrak
Britainiarrekin batera aspaldian isilik egon diren Golpe de Estado oñatiarrak igoko dira taula gainera. Denbora tarte honetan abestiak prestatzen ibili dira oñatiarrak, izan ere diskoa grabatzekotan dira. Lau izatetik hiru izatera pasa da taldea, gainera.
Kontzetua amaitzeko, DJ Kuolemak girotuko du gaua.