Oñatiarrek Logroñoko Deportes Ferrer taldea menderatu zuten Zubikoan: 88-66. Bigarren laurdenean egindako defentsari esker 25-11ko partziala egin zuten eta ondo bideratuta utzi zuten partidua. Dena den, azken tartean hurbildu egin zen Deportes Ferrer taldea markagailuan. Beste batzuetan ez bezala, ondo kudeatu zuten oñatiarrek abantaila, eta epaileak adierazitako teknika aprobetxatu zuten lehia erabakita uzteko.
Zubikoa lepo bete zen beste behin EBAko partidua ikusteko. Xabi Igartuaren taldeak irudi hobea erakutsi du azken partiduetan. Orain dela bi aste etxean irabazi ostean, taldeak beste txispa bat dauka, eta atzo erakutsi zuten. Denboraldiko laugarren garaipena lortu zuten.
Bukatzeko bost
EBA liga bukatzeko bost jardunaldi falta dira. NAtra Oñatik Zubikoan jokatuko du Club Estela liderraren eta Zornotzaren kontra; eta etxetik kanpo PAS Pielagos, UPV Alava eta Miguel Antonio Robledaren kontra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.