Atlantiar Pirinio eta Erlaitz Kantauriarreko zortzi Anaitutako Lezeek martxoaren 4ean III. Koben Eguna ospatuko dute; alegia, Nafarroako Zugarramurdik, Ikaburuk (Urdax-Urdazubi) eta Mendukilok (Astitz); Lapurdiko Sarak, Gipuzkoako Arrikrutzek (Oñati) eta Ekainberrik (Zestoa), eta Bizkaiko Pozalaguak eta Kobenkobak (Karrantza). Egun horretan sarrerak erdi prezioan salduko dituzte koba horietan. Gainera, egun horretan kobak ikustera doazen guztien artean opari berezia zozketatuko dute: Saran aste bukaera bat.
III. Koben Eguna martxoaren 4an ospatuko dute, baina Arrikrutzeko lehoia topatu zuen Iñaki Zubeldiak bisita berezia egingo du martxoaren 3an. 16:00etan batuko dira Arrikrutzeko Interpretazio Gunean, eta Zubeldiak berak emango ditu 1966an (lehoia aurkitu zutenean) egindakoaren azalpenak. Bisita gidatu horretarako plaza mugatuak dira, eta lehentasuna izango dute ume eta gazteek. Interesatuek 943 08 20 00 telefonora deitu behar dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak