Arratsaldean gehiago
Hauxe da arratsalderako Oñatin antolatu dutena:
- 16:30: Gramola ikuskizuna umeendako, kiroldegian.
- 18:00: Txokolate-jan solidarioa plazan.
- 18:30: Txorimaloak.
- 19:00: Disko festa plaza.
Aratuste martitzena gaur eta mozorroak Oñatin ere. Goizean, bi ikastetxetakoak mozorrotuta: Errekalde Herri Eskolakoak eta Elkar Hezi ikastetxekoak. Lehenek, euskal jaiak ospatu dituzte eskolako jolaslekuan. Adinaren arabera mozorrotu dira eta maila bakoitzean euskal jai bat irudikatu dute: Marijaia eta Zeledon; Joaldunak; San Ferminak; Arrantzaleak; Corpus jaiak; Sanjuanak; Donostiako Estropadak, eta Arrasateko Maritxu Kajoi irudikatuko dituzte. Elkar Hezikoek, Mari Domingiren irudia ezagutzeko antolatu dituzte Aratusteak. Kalerik kale aritu dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak