Hitzaldian izan ziren lagunei Araolazak azaldu zien aratusteen sistemak nola funtzionatzen duen, zein ezaugarri dituen, eta mozorrotzea eta disfrazatzearen artean zein desberdintasun dauden, hiztegiak horrelako bereizketarik jaso ez arren.
Disfrazatzea
Araolazak esan zuen disfrazatzea izango litzatekeela pirataz, bakeroz edota printzesaz janztea. Pertsona den hori ez da ezkutatzen horrelako kasutan eta edertasuna bilatzen da gainera.
Mozorrotzea
Mozorroaren ideia desberdina dela azaldu zuen Araolazak. Mozorroak ordezkatu egiten du pertsonaren nortasuna eta lehenengo ezaugarria izaten da aurpegia ezkutatu egiten dela. Eta mozorroaren kasuan, ez da hain garrantzitsua eder jantzita joatea, izan ere, ez dakigu nor dagoen mozorroaren atzean.