Bart gauean Arantzazuko Sindika ostatuan sartu dira lapurrak, ostatuko taberna atzeko lehiotxo bat hautsi ostean. Ertzaintzatik jakinarazi digutenez, kutxa erregistratzaileko dirua hartu dute eta tabako makinan ere ibili dira.
Sindikakoek esandakoaren arabera bi makina erregistratzailetako dirua lapurtu diete, denera 1.000 euro inguru. Gauza pertsonalak ere eroan dituzte, ordenagailua bat esaterako. Sindikako Pilar Otxoa arduratuta agertu da bereziki ordenagailuarekin, alabaren ikasketetako material garrantzitsua zegoen-eta bertan; "lapurrei ordaindu ere egingo nieke ordanagailua itzultzearren" adierazi digu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.