Bi ataletan banatuta
Bi atal izango ditu emanaldiak. Lehenengo atalean, zabortegi batean bizi den katu koadrila baten egunerokoa kontatuko dute: Leonor, Bryan, Vladimir eta beste hainbat katuren istorioak, hain zuzen ere. Herrimina usatzeko, katuek euren herrialdeetako kantuak erakutsiko dizkiete elkarri. Zuzenean abestuko dute.
Bigarren atalean, Josu Elberdinek idatzi eta musikatu duen Mirrix katuaren istorioa kontatuko dute.
Katu harroa eta alproja
Kale kantoi batean bizi den Mirrix katuaren istorioa kontatzen du istorioak. Mirrix katu harroa eta alproja da eta inguruko animalia guztiak kikilduta ditu. Egun batean, ordea, txakur handi batzuekin topo egin eta kale kantoitik ihes egin behar izango du. Ihesi doala mendira iritsiko da; han, galduta dagoela, Lutxiano barraskiloarekin topo egingo du.
Emanaldia aprobetxatuko dute ipuin musikatua aurkezteko. Ganbararen hirugarren ipuin musikatua izango da: musika, ipuinak, denbora-pasak... izango ditu.