Jardunaldiaren irekieran, Oñatiko Alkateak, Mikel Biainek eta Gipuzkoako Foru Aldundiko Kanpo Harremanetarako eta Turismo zuzendariak, Roke Akizuk, natura turismoan eragile publiko eta pribatuaren arteko elkarlana nabarmendu dute.
Eusko Jaurlaritzako Industria, Berrikuntza, Merkataritza eta Turismoko Gipuzkoako Lurralde Ordezkariak, Javier Lopez de Larrinagak, turismoaren barruan natura turismoak duen garrantzia azpimarratu du eta lehiakortasun planaren barruan kontuan hartu dutela esan du.
Natura turismoaren inguruko 3. jardunaldian barneko eta naturako gune turistiko baten kudeaketan arrakasta kasuak plazaratu dituzte. Kataluniako Garrotxa eskualdearen kasu da.
Jardunaldian hiru hitzaldi egin dituzte, eta bertan, Garrotxa Turismo elkarteko Josep Maria Prats turismo eta eranbilera publikoko teknikariak, Kataluniako Itinerannia ibilbide sareko koordinatzaile Adriana Ramon Calmek eta Pirenissim proiektuko Pere Portak beraien esperientziak azaldu dituzte.
Arratsaldean, berriz, Euskadiko barne eta naturako gune turistikoen kudeatzaileen elkarlana sustatzeko tailerra egingo dute, eta bukatzeko, Oñatiko sozio-ekononia eta turismo arduradunak, Iosu Lizarraldek jardunaldien ondorioak plazaratuko ditu. Jardunaldian parte hartu duten eragileen artean ateratako ondorioak ‘Aizgorri-Aratz’ izeneko itun bat sinatzea da antolatzaileen helburua.