Ikasketetako azken urtean kezka ugari izan ohi dituzte ikasleek, eta ez bakarrik azterketen edo karrera amaierako proiektuen ingurukoak, euren lan-etorkizuna bideratzeko moduari buruzko zalantzak ere izaten dituzte: besteen kontura lan egin, ekintzailea izan edo atzerrian lana topatzea. Horiek guztiak aztertuko dituzte Oñatiko fakultatean. Gainera, curriculuma nola idatzi eta lan-elkarrizketak nola prestatu ikusi dute.
Askotariko ekintzak
Jardunaldia 09:00etan nhasi dute. Enpresagintzako koordinatzaileak lan aukerei buruz egin du berba. Ondoren Ekonomisten Euskal Elkargoko ordezkari Iluminada Apariciok lan merkatuan dituzten aukeren gainean mintzatu da. Gainera, Jokin Laspiurrek Txinan izandako esperientzia kontatu die.
Tailerrak
Bestalde, lau tailerretan parte hartu dute: pertsonei buruzkoa, logistikaren gainekoa, marketina oinarri hartuta, eta finantzei buruzkoa. Lan orientazioari buruzko jardunaldia bukatzeko bi hitzaldi egingo dituzte: Aurkitu zure bokazioa delakoa, eta curriculumak idazteko eta aurrez-aurreko elkarrizketak prestatzeko.