Helvetia Anaitasunak eta Balonmano Huescak jokatutako partidua parekatua izan zen. Nafarrek irabazi zuten 29-27. Maila handiko jokoak, eta maila handiko jokalariak. Besteak beste, Argentinako selekzioko atezain Matias Schulz. Aulkietan ere aurpegi ezaguna: Bidasoa taldeko jokalari eta entrenatzaile ohi Aitor Etxaburu da Anaitasunaren entrenatzailea. Harmailak lepo bete ziren.
Partidua parekatua izan zen, baina nafarrek agindu zuten markagailuan. Beti egon ziren aurretik markagailuan: gehienez ere, hiru goleko errentarekin. Atsedenean 15-13 zeuden aurretik Etxabururen mutilak.
Bigarrenean asko estutu zuten Balonmano Huesca taldekoek, eta jokaldi onak eginaz, lehia berdindu zuten (27-27) bukaerarako lau minuru falta zirenean. Handik aurrera baina, nahi eta ezin ibili ziren. Anaitasunak egin zituen azken bi golak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.