"Lan baldintza duinak" exijitu dituzte

Oñatiko ezker abertzaleak "lan baldintza duinak" exijitu ditu eta elkartasuna adierazi die joan zen zapatuan, lan istripuaren ondorioz, hil zen Altuna Hermanos enpresako Antonio Giraldo langilearen familiari. "Lan baldintza duinak, heriotza gehiagorik ez" lelopean Oñatiko plazaren aurrean elkartu ziren 30 bat lagun atzo iluntzean, ezker abertzaleak deituta. Gaur eguerdiko 12:10erako, beste elkarretaratze bat deitu dute enpresako langileek lantegiaren aurrean, Zubillagan.