- Urtarrilaren 27an, barikuan, Contra el viento del norte ikus ahal izango da. 22:30ean. Sarrerak.
- Urtarrilaren 29an, domekan, Los animales de Don Baltasar. 17:00etan. Sarrerak.
Contra el viento del norte, Tanttakaren azken lana da. Fernando Bernuesek zuzendutako antzezlana. Joseba Apaolaza, Kike Diaz de Rada, Itziar Atienza eta Vitoria Rogado dira antzezleak, denak ere oso ezagunak.
Emakumezko eta gizonezko baten arteko harreman sekretua kontatzen da, harreman birtuala, beti ere; sarekoa, posta elektroniko bidezkoa, kasualitatez hasten den harremana, gainera. Harreman hori inoiz aurrez aurrekoa bilakatuko da?
Los animales de Don Baltasar Teatro Teloncillo konpainiaren lana da. Valladolidekoak dira. Onomatopeiak, irudiak eta musika dira protagonistak. Ez berbak. Hiru eta sei urte arteko umeei zuzendutako lana da. Beatriz Actisen ipuin batean oinarrituta dago. 50 minutu iraungo du.
Sarrerak sarean, Kultura Etxean ez
Aurrerantzean, sarrerak ez dituzte Kultur Etxean salduko, BarraBarra webgunetik salduko dira. Webgune horretan saldu barik geraratzen direnak, takilan jarriko dituzte salgai.