Natura Turismoaren inguruko III. jardunaldiak egingo dira hilaren 26an, Arantzazuko Gandiaga Topagunean. Hirugarren jardunaldion asmoa da barneko eta naturako turismoaren inguruko esperientzia arrakastatsuak gerturatzea eta Euskadin esparru publikoan zein pribatuan helmuga horien plangintza turistikoan diharduten agente turistikoen iritziak zuzenean jakitea. Jardunaldiok Oñatiko Udalak antolatzen ditu, Oñatiko Garapen eta Turismo Agentziaren eskutik eta Gipuzkoako Turismo Sailaren eta Eusko Jaurlaritzaren laguntza jasotzen dute.
Jardunaldiak goiz eta arratsalde
Goizean Kataluniako hiru esperientzia arrakastatsu azalduko dira hiru hitzaldiren bitartez: Batetik, Garrotxa turismo elkarteak Kolaborazio esperientzia bat turismo iraunkorrarentzat delako hitzaldia egingo du; bestetik, Itinerànnia ibilbide sarearen gainean egingo dute berba; azkenik, Pireníssim Proiektua ere azalduko dute: Alt Pirineu i Aran-en lurralde garapenarentzat egindako apustua delako hitzaldiaren bitartez.
Arratsaldean, berriz, parte-hartze tailer bat izango da taldean gogoeta egin eta ikuspegiak trukatzeko. Euskadin funtsezkoa den eskaintza turístico horren eraikuntza-prozesuari, kudeaketari, dibertsifikazioari eta espezializazioari buruzko sektorearen iritzia jasotzea da helburua.
Jardunaldietan izena emateko azken eguna hilaren 24a da.Iinformazio gehiagorako deitu 945 21 81 78 zenbakira.