Biharko protagonista nagusiena 17:30ean helduko da Otadui Zuhaiztira. Han izango ditu zain Martiñola kultura taldeko kideak eta Jose de Azpiazu musika eskolako ikasleak. Martiñolako kideak laguntzaileak izango dira, eta musika eskolako triki-pandero taldeak kalejira girotuko du. Handik abiatuta herriko kale nagusiak zeharkatuko ditu.
Kale Zaharretik eta Aita Madinatik igota plazara helduko dira. Handik Kale Barria-Etxaluze joan-etorria egingo dute.
Olentzeroren bisita Foru plazan bukatuko da. Musika eskolako akordeoi taldeak Gabon kantak joko ditu neska-mutikoek euren gutunak eman eta gozokiak jasotzen dituzten bitartean.
Bukatzeko, 19:00etan, musika eskolak eta musika bandak duten hitzarmenari esker, haize instrumentua lantzen diharduten 14 ikaslek, bandarekin joko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.