.jpg)
Llavorirekin batera, beste saritu guztiak egongo dira gaurko ekitaldian. Mendia eta natura atalean bigarren saria irabazi du Iñaki Idigoras oñatiarraren Ez da giro argazkiarekin, eta hirugarren saria Benito Cantero bergararraren Neilarekin. Atal honetan beste bi sari emango dituzte: mendiko ekintza erakusten duen argazki onena Jose Agustin Gurrutxagaren Gorbeak jasoko du; eta Oñati saria Iokin Astigarraga oñatiarraren Ursa erretratuari emango diote.
Epaimahaian hiru kide
Denuntzia ataleko gainerako sarituak dira: Jose Agustin Gurrutxagaren Muerte en la carretera (bigarren saria), Iosu Garai oñatiarraren Goi tentsioa (hirugarren saria), eta Eusebio Novoa oñatiarraren Burdin hesi hiltzailea (Oñati saria).
Epaimahaiko kideak izan dira Xabier Mata (Ikatza argazkilari elkartea), Raul Esteban (Portfolio Natural) eta Jorge Murgiondo (Arizondo elkartea).
Erakusketa zabalduko dute
Aloña Mendik antolatutako VIII. argazki lehiaketan 67 argazkilarik hartu dute parte, eta 248 erretratu aurkeztu dituzte (gehienez hiru argazki aurkeztu ahal zituzten pertsonako eta ataleko): 179 mendia eta natura atalean, eta 69 salaketa atalean. Antolatzaileak pozik daude erantzunarekin. "Digitalerako pausua eman dugunetik, nabarmen igo da parte-hartze kopurua: iaztik hona %21 igo da", esan digu mendi taldeko Iñaki Idigorasek.