Asteon hainbat entsegu egin dituzte parrokian bertan, baina norberak, aurretik egin du lan zailena. "Egunean guztiak koordinatzea ez da zaila, talde bakoitzak aurretik egin duelako lana", esan digu kontzertuko zuzendari Inaxio Ibarrondok.
Banaka eta denok batera
Kontzertua hasteko musika bandak bi pieza joko ditu. Ondoren, Ganbara Txiki abesbatzarekin Magnificat pieza joko dute. Musika bandak eta Oati Abesbatzak elkarrekin abestuko dute, eta emanaldia bukatzeko, parte-hartzaile guztiek batera lau pieza eskainiko dituzte.
Kolonbiarako dirua
Parrokia lepo beteko da, beste behin, Gabonetako kontzertua entzuteko. Sarreran egongo dira Parrokiako Misio Taldekoak, Kolonbiako proiekturako dirua batzen.