Gipuzkoako erretiratuen elkarteetako hainbat abesbatza izan dira Oñatin. Hain zuzen, Gipuzkoako Erretiratuen Abesbatzen XII. topaketak egin dituzte. Bi egunetan ibili dira kantuan, atzo eta gaur, guztira 16 talde. Gabon inguruan urtero egiten duten hitzordua izaten da; herri ezberdinetan egiten dute eta, oraingoan, Oñatin egin dute.
Oñatiko parrokian izan dira topaketak. Atzo Eibar, Lasarte Oria, Bergara, Donostia, Beasain, Hondarribia, Legazpi eta Aretxabaletako abesbatzen txanda izan zen. Gaur, ostera, Olaberria, Trintxerpe, Mutriku, Urretxu-Zumarraga, Lezo, Añorga, Ordizia eta Oñatikoen txanda izango da, 16:30ean.
Abesbatza bakoitzak lau kantu abestu ditu; eta, garai hauetan ohikoa den bezala, Gabon doinuak ez dira falta izan jardunaldiotan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.