Santa Lutzia eguna martitzenean den arren, Berezaoko auzotarrek merezi duten moduan ospatuko dituzte auzoko jaiak asteburu honetan.
Egitaraua
Gaur, egubakoitza, haurrendako txokolatea, jolasak eta poneyak egongo dira, 16:00etan hasita. Mus txapelketa, berriz, 21:00etan hasiko dute auzotarrek. Zapatuan auzo-afaria egingo dute auzoko elkartean, eta, guztira, 50 lagun inguru elkartuko direla esan digu Jose Mari Larrañagak, Berezaoko auzo-alkateak. Afariari amaiera borobila emateko, bertsolariak izango dira eta erromeria izango dute kantuan eta dantzan egiteko. Domekan, azkenik, meza nagusia egingo dute; parrokiako abesbatzak kantatuko du, gainera, eta, horren ondoren, luncha egongo da joaten diren guztiendako.