Martitzenean Oñatiko Batzokia pintadekin zikinduta agertu zen. Pintura gorria eta horiarekin eta hainbat berbekin. Era berean, hiru auto kaltetu ziren pinturarekin. Ekintza horren harira oharra kaleratu du Bildu Udal Taldeak. "Herri honetan zabaldu den garai politiko berria oztopatzea helburu duten ekintzak behin betikoz amaitu behar dira", diote. Era berean, "elkartasuna" adierazten die EAJri eta kaltetuak izan ziren herritarrei.
Gainera, zera esaten dute: "Gernikako Akordioan jasoa dagoen bezala, inoren aurkako mehatxu, presio, jazarpen, atxiloketa eta tortura mota guztiak desagertzea exijitzen dugu, edozein dela ere pertsona horien jarduera edota ideologia politikoa", eta dei egiten die eragile guztiei eta gizarteari oro har, "garai berria oztopatzen duten martitzeneko bezalako gertaeren aurrean konpromiso aktiboak har ditzaten".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.