4 eta 9 urte bitarteko umeei zuzenduta dagoen proposamen berria da hau. Jostailugilea eta Eskolopendra dira orain argitara emango duten bi ipuinen izenburuak.
Abestiak eta ilustrazioak
Ipuin musikatu bakoitzean, istorio bat kontatzeaz gain, hainbat abesti tartekatu dira istorioari aurrera egiten laguntzeko. Kontakizuna liburu formatuan plazaratuko da ilustrazioekin lagunduta, paperean irakurtzeko; baita CD-an ere, kontakizuna eta abestiak audioan entzuteko. Liburuan, gainera, hainbat denbora-pasa daude, bukaeran eta CD-an abesti guztien play-backa ere aurkitu daiteke.
Eskaintza berezia
Ipuin bakoitzaren salneurria 20 eurokoa da. Baina, orain, eskaintza berezia egin nahi dute: lehenengo bi liburuak, 35 euroan. Libururen bat erosi nahi dutenek, honako helbide elektroniko honetara idatzi dezakete: idazkaritza.ganbaratxiki@gmail.com.
2003tik kantuan
Ganbara Txiki Abesbatza 2003an sortu zen Oñatiko Ganbara Abesbatzaren babespean, Oñatin. Gaur egun, 11-16 bitarteko 40 bat gaztetxok abesten dute bertan. Bere ibilbidean zehar kontzertu ugari eskaini ditu, bai Euskal Herrian eta baita Euskal Herritik kanpo.