Estrategiako jolasak; behaketakoak; logika erabili beharrekoak; digitalak; elkarren artean lehiatzea baino, helburu komun baten alde lan egitera sustatzen duten jolas kooperatiboak... Askotariko jolas eta jostailuak ezagutzeko aukera dago bihar arte Oñatiko Txaloka ludotekan egin duten erakusketan. Erakusketaren lehen orduetan guraso asko egon pasa dira bertatik zein aukera dauden ezagutu, umeek eurek nahiago dituztenak zeintzuk diren ikusi eta ludotekako langileen aholkuak hartzeko.
Erakusketan baina, erosteko orduan dagoen joko eta jostailuen eskaintzaz gain, etxean bertan egin daitezkeen jostailuak ikusteko aukera ere egon da. Ludotekakoak eurak pozik geratu dira erakusketak lehenengo orduetan izandako erantzunarekin. Bihar iluntzeko zortziak arte egongo da irekita erakusketa.
Argazkiak hemen.