San Lorentzotik Arrasatera doazen autobusak Kalegoienako biribilgunean ipini duten zebra bidearen ondoan geratuko lirateke. Aldiz, Arrasatetik Oñatira datozenak Aita Lizarralde kalean, San Martinera joateko zubiaren ondoan. "Metro batzutako distantzia egongo da batetik bestera, baina ez dugu parez pare ipintzeko aukerarik", dio Lizarraldek.
Autobusak herrigunetik kanpo
Herrigunetik autobusak ateratzeko asmoz erabaki du Udalak Euskadi etorbideko geltokia aldatzea. Portu kalen eta Santa Marinatik Euskadi etorbidera hartzeko bidegurutzean sortzen diren arazoak saihesteko. "Portu kalen, tabernaren parean, autoak gaizki aparkatuta badaude, autobusa ezin da pasatu. Bestalde, Euskadi etorbidean stopa egiten duten autoek leku txikia uzten diote autobusari. Bi arrisku horiek ekiditeko hartu dugu erabakia", dio Lizarralde zinegotziak.
Pausu hori emanda, beste hainbat ditu esku artean Udalak autobusak herrigunetik kentzeko. Besteak beste, ikastetxeetara ikasleak eroateko autobus handiak kendu, eta txikiagoekin, ikastetxe guztietako ikasleak eroatea.