Txikon eta Mendia
Mendi hamabostaldia Alex Txikonek hasiko du hilaren 15ean. Al filo de lo imposible telebistako saioan kameralari lanak egin, eta Edurne Pasabanekin 14x8.000 proiektuan parte hartu ondoren, ibilbide propioa hasi du. Oñatin egingo duen emanaldian Makaluko ertzetik egindako igoerak, eta Gashembrun I-era egindako saiakerak erakutsiko ditu.
Bigarren protagonista Fidel Mendia izango da, hilaren 16an. Yosemiten, Alpeetan, Kaukason eta Himalaian eskalatu izan du, baina azken urteotan muturreko eskian espezialdu da. Gainera, argazkilari trebea da. Egin dituen jaitsierak erakutsiko ditu, eta arriskutsuak diren jaitsierak berme osoz egin ahal izateko aholkuak emango ditu.
Alpeak eta eskalada
Antxon Iturritza kazetariak Alpeen inguruko ikus-entzunezkoa egingo du hilaren 22an. Europako natur-erreserba horren gaineko sekretuak kontatuko ditu. Alpeak "denondako" leku aproposa dela azalduko du.
Azkenik, hilaren 23an, Mikel Saiz ordiziarrak eta Ivan Urtzelai oñatiarrak Kanadako Mount Hunterren eta Pirinioetan egindako eskalada saioak erakutsiko dituzte.