VIII. mendia eta natura argazki lehiaketa martxan

Mireia Bikuña 2011ko azaroaren 10a

Aloña Mendi elkarteko mendi sailak antolatuko lehiaketara lanak aurkez daitezke hilaren 20ra arte. Interesatuek www.concursosdigitales.com atariak egin behar dute izenematea hango argibideak jarraituz. Epaimahaiak 44 lan aukeratuko ditu eta horien artean egongo dira irabazleak. Abenduaren 9an jakinaraziko dituzte irabazleak. Guztira, 1.400 euro banatuko dituzte.

Mendia eta natura argazki lehiaketak bi atal nagusi ditu gaia aintzat hartuta: mendia eta natura batetik, eta denuntzia edo salaketa bestetik. Parte-hartzaile bakoitzak, gehienez, hiru argazki aurkez ditzake gai bakoitzeko.

Oñatiko onenak

Atal bakoitzeko erretratu onenak aukeratu ondoren, horien artean oñatiarrik ez badago, herriko argazki onenak zehaztuko dituzte. Gainera, mendian egin daitezkeen aktibitateren bat ondoan islatzen duen erretratua sarituko dute.

Sari banaketa eta erakusketa

Abenduaren 16an egingo dute sari banaketa ekitaldia kultura etxean. Irabazleekin eta argazki onenekin erakusketa egingo dute urtarrilaren 8ra arte (18:00-20:00)

Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak