Herritar gehien batu dituen batzarra Auzoak batzordeak egindakoa da: 30 lagun egon ziren. Atzetik geratu dira: Gaztedia, 27rekin, Euskara, Ingurumena eta Kultura 22rekin bakoitza, eta Kirola 20rekin. Ongizate batzarrean 14 lagun egon ziren, Sozioekonomia, Berdintasuna eta Parte-hartzean hamarna, eta Hirigintzan zazpi. Guztira, 11 bilera egin dituzte, batzorde bakoitzeko bat. Gustura daude udal ordezkariak: "Halako prozesua martxan ipintzen dugun lehen aldia izanda, oso gustura gaude herritarrek emandako erantzunarekin".
Egitasmoan parte hartu duten herritarrek eta EAJk, asteon jaso dute batzarretan landu zutenaren laburpena, eta sail bakoitzaren aurrekontu proposamena. Bestalde, www.herrijorran.info atarian ipini dute informazio gehiago.
Hilaren 18ra arte zirriborroei zuzenketak egiteko aukera izango dute. Udalbatzaren asmoa da hilaren 24an egingo duten osokoan 2012rako aurrekontuak onartzea. Informazio gehiago hemen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.