Ulma Construccion eta Ulma Packaging bereiztu egin dira. Oñatiko kooperatibako Eraikuntzako eta Packagingeko bazkideek batzarra zuten gaur, Ulma barruan negozio bereko parte izaten jarraitu edo bi negozio berezitu bilakatu erabakitzeko, eta bigarren aukera horren alde egin dute, gehiengoz, bazkideek.
%83k egin du bereiztearen alde, eta %17k kontra. Gehiengo handia, beraz, eta horrek esan nahi du bai Eraikuntzako eta bai Packagingeko bazkide gehienak agertu direla bereiztearen alde.
Orain arte negozio bereko bi sekzio ziren Eraikuntza eta Packaging. Aurrerantzean, beraz, bi negozio izango dira, Ulma talde barruan.