1989an Suediako taldeak argitaratu zuen Funk-O-Metal Carpet Ride lehen diskoak izan zuen arrakastak Europako eta EEBBetako eszenatokietara katapultatu zuen taldea eta ordutik garapena geldiezina izan da. Taldeak arrakasta handia lortu zuen hein baten, Beatles estiloa, psikodelia eta gitarren riff heavyak nahasten zituelako. Suedian, Ingalaterran nahiz EEBBetan, euren single eta diskoek arrakasta lortu izan dute beti; iaz sartu ziren azkenengoz estudioan, And Them Boys Done Swand diskoaren grabaketarako.
Soinu trinkoa
Soinuari erreparatuz, ez da zaila izaten, talde baten musikaren kalitateaz ohartzea. Electric Boysek ez du zalantzarako tarterik uzten. Kontzertua entzun zuen oro jabetu zen taldearen soinu trinkoaz, bereziaz, kalitatezkoaz. Doinu berriak eta zaharrak eskaini zituzten eta taldekideek Gaztelekuan elkartu ziren ikusleak poltsikoratzen ere jakin zuten. Rocka, funkya, doinu gogorrak eta leunagoak uztartuz eta ikuslea ere ikuskizunaren parte eginez, taldeak profesionaltasunez erantzun zuen. Berdin egin zuen ikuslegoak ere.