Bi antzezlan izango dira hil honetan Oñatin: batetik. Arratoitxo pinpirina, azaroaren 13an, domekan, Santa Ana Antzokian. Bestetik, Pake Lekuko Ikusi Makusi antzerki taldeak eskainiko duena, azaroaren 18an, Santa Anan hau ere.
Arratoitxo pinpirina Glu Gluk aurkezten duen umeendako antzezlan berria da. Musikala, hain justu ere. Kantak, dantzak eta komedia nagusi dira ipuin klasiko honen moldaketan. Bertan Arratoitxo pinpirinaz gain, pertsonaia asko agertuko dira. Hala nola, lagun Sagu fidela, katu maltzurra, oilar eroa eta Korrok txerritxo maitagarria.
Sinopsiak hauxe dio: "Arratoitxo pinpirinak izugarri maite ditu soineko dotoreak eta zapata berriak. Horregatik, urrezko txanpon bat aurkitzen duenean bere ametsa egi bihurtuko da: nahi bezain beste jantzi erosi. Baina diruak izaki maltzurrak erakarriko ditu".
3 eta 9 urte bitarteko haurrentzat ikuskizuna da eta sarrerak, azaroaren 2tik aurrera salgai egongo dira Kultur Etxean, 3,5 eurotan.
Osterantzean, honako hau da azaroko Oñatiko kultur egitaraua:
Zapatua, 5:
09:00etan hasita: II. Laburmetrai rallya.
Domeka, 6:
12:45: Oñatiko Musika bandaren kontzertua. Santa Ana antzokian.
Domekan, 13:
17:00: Arratoitxo pinpirina. Antzezlana. Santa Ana antzokian. Sarrerak, azaroaren 2tik aurrera salgai Kultur Etxean, 3,5 eurotan.
Azaroak 15, 16, 17, 22 eta 23:
Aloña Mendiren Mendi hamabostaldia.
19:30etan hitzaldiak + 20:00etan zine-kluba.
Egubakoitza, 18:
17:30: Pake Lekuko Ikusi Makusi antzerki taldearen eskutik, antzerkia. Santa Ana antzokian.
Zapatua, 19:
Ganbara Txikiren hiruhilabeteko kontzertua. Santa Ana antzokian
Domeka, 27:
12:45: Oñatiko Musika bandaren kontzertua. Santa Ana antzokian.