Benjamin, alebin eta infantil
80 gaztetxo elkartu dira San Martinen. Oñatikoak bakarrik ez, Zumarragakoak ere izan dira. Benjamin, alebin eta infantil mailetako probak egin dituzte. Benjaminek 300 metroko lasterketa egin dute, alebinek 600 metrokoa eta infantilek ere 600 metrokoa.
Amaieran gozokiak banatu dituzte parte hartzaile guztien artean.
Yerai Varela Aloña Mendiko atletismo saileko kidea ibili da herriko gaztetxoekin lanean. Haren esanetan neska-mutikoek atletismoa ezagutzea da horrelako proben helburu nagusia. Hilean behin egiten dituzte lasterketak, Zubikoa kiroldegian edo San Martinen. Varelak azaldu digu gaur egun 20 bat lagun daudela Aloña Mendiko atletismo sailean federatuta.