"Kantuak sortzen nekaezina bada, kantuen soinuari xehetasun handiarekin erreparatzen dio Ruperrek, disko bakoitzari dagokion usain eta bereizgarria bilatu nahian. Beti lortzen du gu harritzea. Beti lortzen du aurrera egitea", irakur daiteke Elkarren oharrean.
Kantuen bidez, irudi literarioari helduta, "gizakiaren barruko ametsak, fantasmak eta barne-hizketak..., gizakiaren patua, dakarkigu gogora, kezka guztien gainetik, bakean egon gaitezen".
Diskoa dagoeneko salgai jarri dute Elkarren webgunean eta ohiko saltokietan.