Dirulaguntza jaso gura dutenek eskaera-orriarekin batera taldearen curriculuma –orain arte egindako jarduerak, helburuak eta baliabide materialak zehaztuz–, eta arduradunaren NAren fotokopia aurkeztu beharko dituzte.
Parametroak
Gaztedia batzordeak aztertuko ditu eskaera guztiak, eta aukeraketa egingo du. Parametro hauek erabiliko dituzte laguntzak banatzerako orduan: egingo duten jarduera edo egitarauan kalitatea eta ekintza kopurua; eskatzaileak urtean zehar aurrera daramatzan lanak herriko giza eta kultur mugimendua sustatzen duen eta Udalaren ekimenetan parte-hartzaile den; taldeak bere lanean erakusten duen jarraipena eta egonkortasuna; garatutako jarduerak herriko gazte guztiei zuzentzea; eta euren lanean euskararen erabilpena sustatzea.
Gaztedia batzordearen laguntza eskatu ahal dute urteko programazioren sustapenerako; kultura sormenerako eta hedapenerako laguntza moduan; materiala erosteko edo dutena eraberritzeko; edo ezohiko jardueretarako.
Baldintzak
Dirulaguntza lortzeko bete beharreko baldintzak dira: taldearen erdiak edo norbanakoa Oñatin erroldatuta egotea, eta 12 eta 30 urte artekoak izatea.