Plazako karpa egun guztian egon zen jarrita, baina beste hainbat ekintza ere antolatu zituzten dendariek. Hala, arratsaldean haurrendako puzgarriak egon ziren, eta iluntzean, Giokelak emandako 125 kilo saiheski banatu zituzten. Dendariak eurak izan ziren zerbitzari lanetan ibili zirenak. 50 euroko 34 sari ere banatu zituzten bezeroen artean.
Balorazio oso positiboa
Alberto Vesga Txandako presidentearen esanetan, dendariek egunaren oso balorazio positiboa egiten dute; batetik herritarrek komertzioak ezagutzeko balio izan duelako, eta bestetik, dendariek elkartasun irudia eman dutelako. Salmentekin ere gustura geratu ziren.