Oñatiko artista gazteak prest daude dagoeneko azken asteetan ikasi duten euskal kantua ikus-entzuleen aurrean egiteko. Zapatu eta domekan arratsaldeko 17:00etan hasiko gara Kantariko grabazioekin, beraz, parte hartu behar duten gaztetxoen lagun, guraso eta aiton-amonak, arratsaldeko 17:00etatik aurrera gozatu ahal izango dute Kantariko ikuskizunarekin Oñatiko Gaztelekuan.
Emisioak telebistan
Goiena telebistan Kantari karaokearen emisioekin astelehenean, hilak 17, hasiko gara. Arratsaldeko 19:15ean izango da hori astelehenetik egubakoitzera bitartean eta errepikapenak izango dira hurrengo eguneko eguerdian. Zapatuan eta domekan, aste guztian emititutako saio guztiak ikusi ahal izango dira.