Talde kopuruan egondako aldaketez gain, txapelketak ez dauka beste berrikuntzarik. Lehen fasea liga moduan jokatuko dute: guztiak guztien kontra. Bigarren fasea bitan banatuko dute: multzo bakoitzeko lau talde onenek ligaxka moduan jokatuko dute azken fasea; eta gainerako taldeek, kopa txapelketa jokatuko dute kanporaketa eran. Ligaxkako eta kopa txapelketako bina talde onenek finalak jokatuko dituzte maiatzean.
The Gibel Boys txapeldun
Iazko finalak apirilaren 30ean jokatu zituzten. The Gibel Boys taldeak irabazi zuen txapelketa Txarrixaken kontra. Partidua bana bukatu zen, eta penalti jaurtiketatan erabaki zen lehia. Kopa txapelketan aldiz Lozorromo izan zen onena, Etxaixat menderatu ostean.
Iaz baino bi talde gutxiago daude –Gaur Baik eta Jai Arik futbola utzi dute_. Lehen jardunaldia aste bukaeran jokatuko dute: Txarrixak-Nandrolona, Dollygans-Etxaixat, Lozorromo-Albok, eta Paletinaikos-Kalañatasaray. Txuskosek atseden hartuko du. Ordutegiak asteon ipiniko dituzte. B multzokoek hilaren 22-23ko aste bukaeran hasiko dute denboraldia. Bestalde, zuzendaritza batzordean egongo dira Txarrixak, Etxaixat, Zorrobero, Txuskos, Joxely eta Xaguxar.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak