Ondarroako Aurrerak partidu ona egin zuen atzo Azkoagainen eta merezita eskuratu zuen garaipena. Etxeko taldeak ezer gutxi egin ahal izan zuen bigarren zatian bizkaitarren erasoko jokaldien aurrean. Jaun eta jabe izan ziren Ondarroakoak atsedenaldiaren ondoren.
0-1ekoa 48. minutuan iritsi zen eta kontraerasoan beste bi gol egin zituzten. Partiduaren azken minutuetan etorri zen Aloñakoen gol bakarra: Asier Ugarte izan zen golegilea.
Oraindik goiz izan arren, Andoni Azkargortaren taldeak orain arte jokatutako bi partiduak galdu ditu. Bisita zaila izango dute asteburuan, Pasaia liderraren etxean jokatuko baitute oñatiarrek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
