Asko falta zaio oraindik Sustrai-Aloñari urriaren 22an hasiko den ligara begira. Hala ere, atzokoan EBA nolakoa izango den ideia bat egiteko aukera izan zuten ligan aurkari izango duten Zornotzaren aurka jokatu zituzten-eta Euskal kopa finalaurdenak. Lehia borrokatua izan zen –ez zen inungo momentutan hamar puntuko aldea egon markagailuan– baina azken txanpan hobeto aritu ziren zornotzarrak saskiratzeetan.
Zornotza, "talde indartsua"
Xabi Igartua entrenatzailea pozik zegoen Zornotzari aurre egiteko gai izan zirelako: "Talde indartsua izan dugu aurrean. Izan ere, laugarren geratu zen iaz EBA ligan, hau da, oso ondo ibili ziren. Beraz, talde handi bati aurre egiteaz eta euren parean egoteaz harro egon gintezke".
Kronika osoa eta Xabier Igartua entrenatzaileari elkarrizketa, asteleheneko Goiena paperean.