1962an Oñatz kultura elkartea sortu zen; besteak beste, abesbatza eta mendi taldea zituen.
Txutxin 1968an dantza eskolak ematen hasi zen Zubillagako neska-mutiko talde batekin eta lehen dantza saio egin zuten 1969an Santurtzin. Urtebete geroago Oñatz kultura elkarteak pentsatu zuen Haur Dantzarien Eguna Oñatin ospatzea.
Dantza talderik ez zegoenez, Zubillagako neska-mutikoek egin zuten dantza. "Haren ondotik deialdia egin genuen herrian umeak dantza taldera erakartzeko eta Zubillagakoek bat egin zuten taldearekin", gogoratu du Txutxin-ek.
Oñatz dantza taldeko kideek eskolak ematen dituzte: egun 200 bat neska-mutikok dihardute dantzan 60 irakasleren aginduetara.
Haur dantziaren eguna
41. haur dantzarien egunaren antolaketa esku artean du Oñatz dantza taldeak. Hilaren 18an egingo dute, eta 350 bat neska-mutiko egongo dira Oñatin euskal dantzen erakustaldia egiteko.
- 10:15ean elkartuko dira talde guztiak Otadui Zuhaiztian. Kalejiran plazako pilotalekuraino joango dira, eta han hamarretakoa egingo dute.
- 12:00etan alkate txikiaren agurra entzun eta ibilaldia egingo dute kalerik kale.
- 13:30ean umeak banatu egingo dituzte bazkaltzeko: batzuk etxeetan hartuko dituzte eta beste batzuk elkarteetan.
- 17:00etan alardea egingo dute plazan. Mutilek eta neskek hiruna dantza egingo dituzte. Alardea bukatzeko elkarrekin egingo dute dantza.