Atzo jokatu ziren Oñatiko plazako pilota txapelketako bigarren finalerdiak eta kadeteetan 22 eta 6 irabazi zieten Intxausti eta Imaz segurarrek Flores eta Olarra oiartzuarrei. Olarra eskuetatik justu ibili zen eta Imaz beraren lan ona nahikoa izan zen partidua erraz irabazteko. Gazte mailan oso partidu polita jokatu zuten Calvo eta Garcia errioxarrek eta Sarasti eta Imaz oiartzuarrek. 22 eta 21 irabazi zuten aurrenekoek.
Finalak domekan izango dira, 11:30ean hasita. Eguraldi onarekin plazako frontoian izango dira, txarrarekin kiroldegian. Kadeteetan Altuna anaia hernaniarrak izango dira Intxausti eta Imazen kontrario, eta gazteetan Lujanbio eta Gurutzalde Calvo eta Garciarenak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.