Ospakizunak egubakoitzean bertan hasiko dituzte, 20:30ean. Bertsolariek doinuekin Madalenaren jaitsiera egingo dute. 21:00etan mahaiaren bueltan batuko dira auzotarrak, Gardokiren musikak lagunduta. 01:00etan rock kontzertua egingo dute AMD, Los Cretinos eta Gazte Iraultza taldeek.
Zapatuko egitaraua 13:00etako mezarekin hasiko dute. Bukaeran luncha egongo da.
Arratsaldean txikienendako ekintzak egingo dituzte: 17:30ean Gorritik emanaldia egingo du animaliekin, eta 18:30ean puzgarriak ipiniko dituzte. Ostean, musika izango da nagusi: 23:00etan Kupela taldea eta 03:00etan Miren, Agur eta Gorka.
Herri kirol desafioa
Domekan meza egingo dute 12:00etan, eta ondoren herri kirol desafioa: Urrutia eta Lizarralde, Urrutia eta Altzolaren kontra. 16:30ean mus txapelketa egingo dute, eta 20:00etan Madalenaren igoerarekin bukatuko dituzte jaiak.