Calyer kaleko estudio batean grabatu du, Euskal Etxetik gertu. "Ohore handia da hemengo inprobisazio eszenako musikari bikainekin jotzea. Pribilegiatua sentitzen naiz" dio.
Ordorikak, "bospasei" disko grabatu ditu New Yorkeko inprobisazio eszenako musikariekin. So’ ik so (Nuevos Medios, 1995) diskoarekin eki zion bide horri.
Diskogintzaz dihardu elkarrizketan, ezkor, eta dio "suntsituta" dagoela. "Orain dela 15 urte hamarnaka disko denda zeuden hemen, esajeratu gabe. Saint Marks kalea, East Villagen, gogoratzen dut dena disko dendak zirela. Hori desagertu egin da, eta hemengo musikariek pairatu egin dute. Haiek ere arazo handiak dituzte duintasunez lan egiteko" dio.
Ordorikak, besteak beste kontatzen du Daniel Kalparsoro zinema zuzendari donostiarrarekin bizi izan zela garai batean New Yorken.
Elkarrizketa osoa, gaurko Berria paperekoan eta hemen.